[ يا "فلان" , في خاطري لك "كلمة" ]

شلونكم شخباركم ,, ان شاء الله بخير





ناس من زمان عنهم .. كانو احباب .. صاروا اغراب ..
تشوفهم صدفه .. من بعيد .. ودك تسلم ..
تسأل عن اخبارهم واحوالهم اللي ياما انشغلت فيها ..
فرحت لفرحهم .. حزنت لحزنهم ..خففت عنهم ..
كتمت اسرارهم ..وشاركتهم اسرارك ..
بس تهوِّن وتتذكر يوم الفراق ومرارته ..
مالك ويه تسلم .. وتكتفي بالنظر من بعيد ..


ناس خليتهم ..
ناس خلوك ..
ناس فرق بينكم الزمن ..
صداقه سنين مابقى منها الا الذكرى ..
ناس ودك لو الزمن يرد عشان تكلمهم وتقول اللي بقلبك ..
ناس صعبه توصل لهم ..
ناس راحو عن دنيتنا ..
ناس اختفوا ! ..


اختلفوا هالناس ويبقى سؤال واحد .. فلان شخبارك ؟ ..

تدري انت .. كل شي بعمري فاتك ..

كلمه ودك تقولها لـ"فلان" ..
عتب ..
اعتذار ..
سؤال ..
كلام بقلبك وماتقدر تقوله لهم بويوههم ..



تقدر تقولها هني ..


وابتدي أنا ..
واوضح الفكره ..



إلى فلان: شفتك من بعيد .. ابتسامتك طمنتني انك بخير ..
حتى لو انها ماكانت لي .. حتى لو انك ماشفتني ..
يكفي انك بخير ..